Виктория Графеева - Азия чемпионатының «алтын» иегері

Чиангмае (Таиланд) қаласында өткен Азия чемпионатында қазақстандық боксшы Виктория Графеева жеңімпаз атанып, 60 келіге дейінгі салмақ дәрежесінде алтын медаль иеленді, деп хабарлайды Sport+.

Шешуші кездесуде Графеева Қытай өкілі Цян Лиді жеңіп, турнирдің жеңімпазы атанды. Бұл алтын Қазақстан құрамасы үшін тарихи маңызды болды, өйткені ол осы чемпионаттағы алғашқы «алтын» медаль.

Сонымен қатар, қазақстандық команда басқа да жүлделермен оралды. Айгерім Саттыбаева (48 кг), Жазира Оракбаева (52 кг), Улжан Сарсенбек (57 кг), Милана Сафронова (66 кг) және Диана Магауияева (75 кг) өз салмақ дәрежелерінде қола медальдарға ие болды.