Ватанабэ Халықаралық гимнастика президенті қызметіне қайта сайланды
Моринари Ватанабэ (Жапония) Халықаралық гимнастика президенті (FIG) басшысы қызметіне қайта сайланды, деп хабарлайды Sport +.
Сайлау қазіргі таңда Дохада (Катар) өтіп жатқан 85-ші FIG Конгресінде болды. Айта кетелік, Ватанабэ аталған ұйымға 2017 жылдан бері басшылық етеді. Қазақстан гимнастика федерациясының вице-президенті Даниса Дүйсенғалиева FIG Кеңесінің мүшесі болып сайланды.
Қазақстан гимнастика федерациясының тағы бір вице-президенті Алуа Бектұрова дауыс беру нәтижелері бойынша көркем гимнастикадан FIG техникалық комитетінің мүшесі атанды.
