ҰОК Головкиннің жалақысына қатысты ресми мәлімдеме жасады
![ҰОК Головкиннің жалақысына қатысты ресми мәлімдеме жасады ҰОК Головкиннің жалақысына қатысты ресми мәлімдеме жасады](http://sportplustv.kz/public/upload/sports/876_142104ca20043757392c45ea7af0e51c.webp)
Әлеуметтік желіде Қазақстан Ұлттық Олимпиада комитеті президенті Геннадий Головкиннің жалақысына қатысты тараған ақпаратқа байланысты ҰОК ресми мәлімдеме жасады, деп хабарлайды Sport Plus Qazaqstan
«Қазақстан ҰОК бұл ақпараттың шындыққа жанаспайтынын ресми түрде мәлімдейді.
Геннадий Головкин президенттік қызметті ерікті негізінде атқарады. Оның қызметіне ақша төленбейді. Оның мотивациясының қаражатқа да, саяси мансапқа да қатысы жоқ.
Ең алдымен оның жұмысы қазақстандық спортқа қолдау көрсетуге, сондай-ақ, Қазақстан ҰОК-тің халықаралық спорттық қоғамдастық алдындағы беделін нығайтуға бағытталған.
Өз қызметіне кіріскен бойда Геннадий Головкин ҰОК-тің мемлекеттік бюджет ақшасына үміттенбейтінін ашық айтқан. Ұйымның қызметі Г. Головкиннің қатысуымен тартылған демеушілер қаражаты есебінен жүзеге асуда.
Жалған ақпарат таратушылар ҚР заңына сәйкес жауапқа тартылатынын, нақтылап айтар болсақ, ҚР ҚК 274 бабына сай қылмыстық жауапкершілікке тартылатынын естеріңізге саламыз» деп жазған ҰОК.