Странджа турнирінің жартылай жартылай финалына Қазақстанның 32 спортшысы шықты

Софияда (Болгария) бокстан Странджа халықаралық турнирінің жартылай финалистері анықталды, деп хабарлайды Sport+

Ерлер арасындағы бәсекеде Қазақстанның 18 боксшысы финалдық жолдамаға таласады. Оның ішінде бес салмақ дәрежесінде қос жартылай финалда да отандық спортшылар бар. Демек, осы кезеңде жеңіске жеткен жағдайда, ақтық сында Қазақстан былғары қолғап шеберлері өзара кездесуі мүмкін.

Жартылай финалдық жекпе жектер:
48 келі. Теміртас Жүсіпов vs Ергунал Сабри (Болгария)
51 келі. Даниял Сәбит vs Нижат Хусейнов (Әзірбайжан)
54 келі. Тимур Қабдешов vs Кристофер Хиппократ (Франция)
57 келі. Оразбек Асылқұлов vs Худжаназар Нортожиев (Өзбекстан)
60 келі. Талғат Сырымбетов vs Радослав Росенов (Болгария)
60 келі. Серік Теміржанов vs Адам Хэшн (Ирландия)
63.5 келі. Ертуған Зейнуллинов vs Викторио Илиев (Болгария)
63.5 келі. Мұхаммедсабыр Базарбайұлы vs Клэнси Дин (Ирландия)
67 келі. Төрехан Сабырхан vs Наби Исгандаров (Әзірбайжан)
71 келі. Абылайхан Жүсіпов vs Ронтани Гуиди (Италия)
71 келі. Фарух Тоқтасынов vs Лорис Идризли (Косово)
75 келі. Сабыржан Аққалықов vs Рами Киуан (Болгария)
75 келі. Тимур Нұрсейітов vs Джавохир Умматалиев (Өзбекстан)
80 келі. Ерасыл Жақпеков vs Димежи Шиту (Ұлыбритания)
86 келі. Нұрбек Оралбай vs Семен Болдырев (Болгария)
86 келі. Бекзат Нұрдәулетов vs Ян Зак (Израиль)
92 келі. Данияр Рахымбердиев vs Вагкан Нанитзанян (Грекия)
+92 келі. Айбек Оралбай vs Дамар Томас (Ұлыбритания)

Странджа турниріндегі ерлер арасындағы жартылай финал 1 наурызға жоспарланған. Ал, әйелдер арасында ақтық сынға өткен спортшылардың есімі 28 ақпан күні белгілі болады. Бұл сында Қазақстанның 14 бұрымды боксшысы бар.