Sport+ Qazaqstan тікелей эфирде бокстан Қазақстан чемпионатын көрсетеді

18-24 желтоқсан аралығында Қарағандыда бокстан Қазақстан чемпионаты өтеді, оған еркектер мен әйелдер арасында еліміздің ең мықты спортшылары қатысады.

Жақында Тайландта өткен Азия чемпионатының жеңімпаздары мен жүлдегерлері дайындыққа уақыттың болмауына байланысты Қазақстан чемпионатына қатыспайтын болды.

Соған қарамастан, тізімде Назым Қызайбай, Төрехан Сабырхан, Алуа Балқыбекова және басқа да боксшылар Қазақстан чемпионатының алтын медальдары үшін таласады.

Турнирді толық Sport+ Qazaqstan телеарнасында, сондай-ақ sportplustv.kz сайтында тікелей эфирде көруге болады.