Сметов және Дегтярев Елисей сарайында президенттермен кездесті

Қасым-Жомарт Тоқаев Франция Президентінің атынан ұйымдастырылған мемлекеттік қабылдауға қатысты, деп хабарлайды Sport+ Ақорда баспасөз қызметіне сілтеме жасап.

Мемлекет басшысының құрметіне орай Франция Президенті Елисей сарайында мемлекеттік қабылдау өткізді. Мемлекеттік қабылдауға Францияның Үкімет мүшелері, белгілі саясаткерлер, іскерлік топ, ғылым және дипломатия өкілдері, сондай-ақ екі елдің көрнекті мәдениет және спорт қайраткерлері шақырылды.

Спортшылардан дзюдодан Олимпиада чемпионы Елдос Сметов, пауэрлифтингтен екі дүркін Паралимпида жеңімпазы Давид Дегтярев, Александр Винокуров және тағы басқалары болды.

Салтанатты кеш соңында Эмманюэль Макрон Қасым-Жомарт Тоқаевқа үстел теннисінен Париж Олимпиадасының қола жүлдегері Алексис Лебренді таныстырды. Көпшілік алдында олар бір партия ойнады.