Сергей Цырульников - Sport Plus Qazaqstan телеарнасының елшісі

Қазақстандық батыр Сергей Цырульников Sport Plus Qazaqstan телеарнасының елшісі атанды.  

Сергей Цырульников - қазақстандық мықты адам, Қазақстан Республикасының Ізгі ниет елшісі, Гиннес кітабының әлемдік рекордшысы және Қазақстанның бірнеше дүркін рекордшысы.

Ол Қазақстан Республикасы туризм және спорт министрлігінің ресми елшісі, «Batyrs Battle» қоғамдық қорының президенті және негізін қалаушысы болып табылады. Сонымен қатар Қазақстанның күш мәдениеті қозғалысының және ТМД-дағы алғашқы «изометрия» мектебінің негізін қалаушысы.

Франция, Қытай, БАӘ және т.б. елдердегі «Өткен уақыттың мықты адамдары» жарыстарының жеңімпазы. «Құрмет» және «Достық» мемлекеттік ордендерінің иегері.

Сергей Цырульников Sport Plus Qazaqstan медиа тобының жаңа жобаларының бір бөлігі болады. Бұл спортшының арнаның жаңа жобаларына қатысуы көптеген адамдарды спортпен шұғылдануға және жоғары нәтижелерге қол жеткізуге шабыттандыратынына сеніміміз мол.