Сергеев Өзбекстан құрамасына Азия Кубогының плей-офф кезеңіне шығуына көмектесті

Өзбекстан құрамасы Азия Кубогының топтық кезеңінің екінші турында Үндістан құрамасын 3:0 есебімен жеңді, деп хабарлайды Sport Plus Qazaqstan.

Кездесуде орын алған барлық үш гол алғашқы 45 минутта соғылды. Нәтижелі соққылардың авторлары Аббосбек Файзуллаев, «Тобыл» мен «Ақтөбенің» бұрынғы шабуылшысы Игорь Сергеев және Шерзод Насруллаев атанды.

Өзбекстан командасы екі турдан кейін 4 ұпай жинап, Аустралиядан кейін плей-оффқа шығуды қамтамасыз етті.

Енді қос команда 23 қаңтарда өзара кездесіп, топтың жеңімпазын анықтайды.