Роналду "Әл-Наср" бапкерін ауыстыруды талап етті

Португалиялық футболшы Криштиану Роналду "Әл-Наср" клубының бас бапкері Руди Гарсияның жұмысын сынға алды, деп хабарлайды sportplustv.kz.

38 жастағы шабуылшы клуб басшылығына маманды ауыстыру туралы өтініш жасаған.

"Португалиялық жұлдыз Руди Гарсияның ұстанған бағытына да, футболшылардың алаңдағы жұмысына да көңілі толмайды. Ол бұдан да жоғары деңгейде өнер көрсетуге және жеңімпаз атануға қауқарлы екеніне сенімді", - делінген басылымда.

Роналду Сауд Арабиясы клубының сапында өткізген 10 ойында 11 гол соқты. Сөйте тұра Криштианудың командасы алдымен Суперкубокке талас жолынан шығып қалса, енді ішкі біріншілікте чемпиондық атақтан да үміт үзуі мүмкін.

Жылдың басында португалиялық футболшы "Әл-Наср" клубының сапын толықтырды. Жылдық табысы 200 млн долларға тең.