Роналду АФК Чемпиондар лигасындағы жорығын бастайды. «Аль-Шорта» — «Аль-Наср» матчын қайда және нешеде көруге болады

Құрамында еуропалық жұлдыздардың жиналған «Аль-Наср» (Сауд Арабиясы) ирактық «Аль-Шорта» командасына қарсы матчпен АФК Чемпиондар лигасында өнер көрсете бастайды.

Сауд Арабиялық клубтың құрамында Криштиану Роналдудан басқа Садио Мане мен Еуропа чемпионы, қорғаушы Эмерик Ляпорт ойнайды. Осы трансферлік терезеде «Аль-Наср» өз қатарына 42 миллион еуроға «РБ Лейпцигтен» Мохамед Симаканды, 23 миллионға «Челсиден» Анджелоны және 18 миллионға Бразилия құрамасының қақпашысы Бентуды сатып алды.

Луиш Кастроның шәкірттері Сауд Арабиясы чемпионатындағы «Әл-Раед» пен «Әл-Ахлимен» өз алаңдарындағы матчтарда ұпай жоғалтып, жарысты сәтсіз бастады, бірақ «Әл-Фейханы» 4:1 есебімен сенімді түрде жеңе алды. Команданың үздік сұрмергендері — Роналду мен бразилиялық Талиска, олар 2 гол соқты.

Ирак чемпионы «Аль-Шорта» әлі маусым бастаған жоқ, «Аль-Насрға» қарсы матч Ахмед Салахтың командасы үшін жаңа маусымның алғашқы ресми ойыны болады. Клубтың басты жұлдыздарынан Сирия құрамасы тарихындағы ең үздік сұрмергендердің бірі Махмуд Әл-Мавасты атап өтуге болады.

«Аль-Шорт» — «Аль-Наср» матчы бүгін, 16 қыркүйекте, сағат 21:00–де басталады. Тікелей эфирде аталмыш матчты Sport Plus Qazaqstan телеарнасынан, сондай-ақ sportplustv.kz сайтынан тамашалауға болады.