Ризабек Айтмұхан әлем чемпионатының финалына шықты
Қазақстандық балуан Ризабек Айтмұхан Тиранда (Албания) еркін күрестен жастар арасындағы әлем чемпионатының финалына жолдама алды, деп хабарлайды Sport+.
Ол 97 келіге дейінгі салмақ дәрежесінде жартылай финалда жеңіске жетті. Ризабектің қарсыласы ресейлік Шамиль Гаджиалиев болды. Ризабек кездесуде 7-4 есебімен жеңіске жетті.
Финал 27 қазанда өтеді. Ризабектің қарсыласы Махди Морафа (Иран) болады.
Медаль үшін 27 қазанда қола үшін күресетін Алан Оралбек те таласады.
