Қазақстанның құрамасы Азия чемпионаты алдында соңғы оқу-жаттығу жиынын өткізуде

Қазақстан құрамасының өкілдері үстел теннисінен Азия чемпионатына қатысу үшін Астанаға келді, деп хабарлайды Sport Plus Qazaqstan.

Қазақстандық спортшылар Сауд Арабиясы құрамасымен бірлесіп соңғы оқу-жаттығу жиынын өткізуде. Ертең, 6 қазанда, Қазақстанда өтетін алғашқы құрлықтық біріншіліктің ашылу рәсімі өтеді.

Біздің спортшылар барлық белгіленген санаттар бойынша сынға түседі – ерлер мен әйелдер арасындағы жеке есепте, әйелдер және ерлер жұптарында, сондай-ақ аралас жұптарда.

Матчтар 7 қазан күні сағат 10:00-де Ұлттық теннис орталығы «BEELINE ARENA»-да басталады.