Қазақстандық жеңіл атлет допинг дауынан толық ақталып шықты
Қазақстандық жеңіл атлет Нора Джеруто допинг қолданғаны үшін тағылған айыптан ақталды, деп хабарлайды Sport Plus Qazaqstan
«Халықаралық арбитраждық соттың (CAS) шешімімен 2022 жылғы 3000 метрге кедергілермен жүгіруден әлем чемпионы атанған қазақстандық спортшы допинг қолданғаны үшін тағылған айыптан толықтай ақталды. 2024 жылғы 25 маусымда CAS келесідей шешім қабылдады: WorldAthletics-тің 2023 жылғы 24 қарашадағы World Athletics Тәртіптік трибуналының спортшы Нора Джерутоның допинг қолданғаны туралы болжамды іс бойынша 2023 жылғы 27 қазандағы шешіміне қарсы шағымын қанағаттандырусыз қалдыру» деп жазды Қазақстан жеңіл атлетика федерациясы.
Еске салайық, 2022 жылдың шілдесінде Athletics Integrity Unit (AIU) қазақстандық спортшы Нора Джерутоға қатысты допинг қолданды деген күдікпен тергеу басталғанын хабарлаған болатын. Айыптау AIU сарапшыларының теориялық ойдан шығарған сөздеріне негізделген. Айыптаулар оның АҚШ-тағы әлем чемпионатындағы салтанатты жеңісінен кейін бір аптадан соң тағылған.
«Біз Олимпиадаға дайындықты жалғастырудамыз және Джерутоның кәсіби шеберлігі мен оның лайықты өнер көрсететініне сенімдіміз. Әрине, ұлттық құраманың бас бапкері ретінде мен Нора Джерутаның орны толмас еді деп айтқым келеді. Федерация кеңсесінің халықаралық серіктестермен, оның президенті Даниал Кенжетайұлымен және халықаралық мәселелер жөніндегі комиссия мүшесі Асхат Сейсембекпен қарым-қатынастардағы жақсы үйлестірілген жұмысын атап өтуге болады» — дейді ұлттық құраманың бас бапкері Дмитрий Карпов.
