Мұсабаев-Алиев жұбы батуттағы гимнастикадан Әлем Кубогының күміс жүлдегері атанды

Батуттағы гимнастикадан Қазақстан құрамасы Әлем Кубогының кезеңінде күміс жүлдегер атанды, деп хабарлайды Sport Plus Qazaqstan

Бакудегі біріншіліктің ақтық сынында Данил Мусабаев және Пирмаммад Алиев жұбына 50.520 балл берілді. 51.090 ұпай еншілеген Қытай дуэті (Фу Вэйцзянь, Жоу Цзе) чемпион атанды. Ал, Америка гимнастары қола жүлдегер.

Данил мен Пирмаммад былтырғы сайыста жеңімпаз атанған еді. Биылғы Әлем Кубогының барлық кезеңінде спортшыларға рейтингте ұпай беріледі. Бұл - Париж Олимпиадасының жолдамасына апарар жол.