Қазақстан триатлон құрамасы Сауд Арабиядағы Азия чемпионатында үш медаль жеңіп алды

Қазақстан құрамасы Сауд Арабияның Әл-Джубаил қаласында өткен 23 жасқа дейінгі жастар арасындағы триатлоннан Азия чемпионатын үш медальмен аяқтады, деп хабарлайды Sport+.

Аралас командалық жарыстарда Қазақстан құрамасы 1 сағат 13 минут 10 секундта мәреге жетіп, күміс жүлдені иеленді. Біздің елдің намысын Егор Крупяков, Милена Саприна, Александр Тен және Диана Ержанова қорғады. Алтын жүлде Гонконг триатлоншыларына бұйырды.

Чемпионаттың алғашқы күні ерлер арасындағы жарыста Александр Тен күміс жүлде, ал Егор Крупяков қола жүлде алды.

Биылғы жарысқа 21 елден 128 спортшы (84 ер және 44 әйел) қатысты.