Қазақстан Thailand Open рейтингтік турнирінде алтын медаль жеңіп алды

Таиландтың Районг қаласында өтіп жатқан Thailand Open Гребной слаломнан рейтингтік турнирінде Қазақстан құрамасы алғашқы алтын медалін жеңіп алды, деп хабарлайды Sport+ ҚР Туризм және спорт министрлігі Спортты дамыту дирекциясының баспасөз қызметіне сілтеме жасап.

Каноэ бағдарламасы бойынша жекелей жарыста қазақстандық спортшы Александр Куликов жеңімпаз атанды.

Жүлдегерлер (Canoe Slalom):
1-орын — Александр Куликов (Қазақстан)
2-орын — Кейго Ямамото (Жапония)
3-орын — Севан Билло (Австралия)

Қақпалардан өту кезінде екі секундтық айыппұл алғанына қарамастан, Куликов 86,51 секунд нәтиже көрсетіп, қарсыластарынан оза шапты. Сондай-ақ үздік бестік қатарына Қазақстанның тағы бір өкілі Қуаныш Еренғайыпов еніп, төртінші орын алды.

Бұған дейінгі жарыс күндерінде ұлттық құрама тағы 3 күміс және 2 қола медаль жеңіп алған еді:
Иманғали Мәмбетов (каяк) — «күміс»
Анастасия Ананьева (каноэ) — «күміс»
Екатерина Таранцева (каяк-кросс) — «күміс»
Владислав Рябко (каяк-кросс) — «қола»
Тимур Рынк (каяк-кросс) — «қола»

Thailand Open турнирі 8 наурызда аяқталады. Одан кейін спортшылар Паттайя қаласына аттанып, онда жасөспірімдер мен жастар (U18–23) арасындағы Азия чемпионатына қатысады.