Қазақстан нысана көздеуден жасөспірімдер арасындағы Әлем кубогы кезеңінде екі алтын медаль жеңіп алды
Қазіргі таңда Мысырдың Каир қаласында нысана көздеуден жасөспірімдер арасында Әлем кубогының кезеңі өтіп жатыр, деп хабарлайды Sport+ Olympic.kz сайтына сілтеме жасап.
Жарыс аясында Қазақстан құрамасы екі алтын медаль жеңіп алды.
50 метрден мылтықпен жатып ату сайысында Олег Носков топ жарды.
Сондай-ақ 25 метрден тапаншамен атудан Кирилл Цуканов жеңіс тұғырының бірінші сатысына көтерілді.
Айта кетейік, Әлем кубогының кезеңі 27 сәуірге дейін жалғасады.
