Қазақстан әйелдер құрамасы су добынан Азия ойындарын төртінші орынмен аяқтады
Қазақстан әйелдер құрамасы су добынан Аичи және Нагояда (Жапония) өтіп жатқан 2026 жылғы Азия ойындарында төртінші орын алды, деп хабарлайды Sport+ Olympic.kz сайтына сілтеме жасап.
Жарыста жүлдегерлер алты команда қатысқан айналмалы жүйенің қорытындысы бойынша анықталды.
Соңғы кездесуде Қазақстан Өзбекстан құрамасымен ойнады. Негізгі уақыт 8:8 есебімен тең аяқталды. Пенальти сериясында өзбекстандықтар мықтылық танытып, жалпы есепте 14:13 есебімен жеңіске жетті.
Осы кездесуден кейін Қазақстан құрамасының қола медаль алуға мүмкіндігі сақталды. Қорытындыдағы орындардың бөлінуі Таиланд пен Сингапур арасындағы матчтың нәтижесіне байланысты болды. Таиланд 12:9 есебімен жеңіске жетіп, үшінші орынға көтерілді. Қазақстан төртінші орынға жайғасты.
Азия ойындарының жеңімпазы Қытай құрамасы атанды. Қытай құрамасы соңғы кездесуде Жапонияны 19:18 есебімен жеңді. Жапония күміс, Таиланд қола медаль иеленді.
Қазақстан құрамасы жарыс барысында Сингапурды 12:7 есебімен жеңді. Таиландпен болған кездесуде негізгі уақыт тең аяқталып, пенальти сериясында басым түсті. Ал Жапония, Қытай және Өзбекстан құрамаларына есе жіберді.
