Қарағандыда үстел теннисінен Қазақстан чемпионаты басталды
23 сәуір күні Қарағандыда үстел теннисінен жастар арасындағы Қазақстан біріншілігі басталады, деп хабарлайды Sport Plus Qazaqstan Olympic.kz сайтына сілтеме жасап.
Аталған турнирге Астана, Алматы, Шымкент қалалары мен еліміздің облыстарынан спортшылар жиналған.
Турнирде жекелей және командалық, жұптық, аралас жұптық сын жеңімпаздары анықталады.
Ұлттық біріншілік 28 сәуірде мәресіне жетеді.
