«Қайсар» футбол клубы сатылымға қойылды

Қызылордалық «Қайсар» футбол клубын сатып алу құқығымен 5 жылға сенімгерлік басқаруға беру бойынша тендер өтеді, деп хабарлайды Sport Plus Qazaqstan.

Бұл туралы хабарландыру электронды сауда сайтында жарияланған.

Бастапқы бағасы – 1,6 млрд теңге, бастапқы жарнасы – 252 млн теңге, ал тендер шарты бойынша бір ғана сатып алушы болса да сатып алуға болады.

Өткен маусымның қорытындысы бойынша «Қайсар» футбол клубы Қазақстан чемпионатында 6-орынға ие болды.