«Қайрат» футзал клубы жаңа бас бапкерді тағайындады

Алматылық «Қайрат» футзал клубы 47 жастағы бразилиялық маман Густаво Парадеданы бас бапкер қызметіне тағайындағанын ресми түрде жариялады, деп хабарлайды Sport+ клубтың баспасөз қызметіне сілтеме жасап.

Густаво – клуб тарихындағы айтулы тұлғалардың бірі. 2004–2009 жылдар аралығында ол «Қайраттың» қақпасын қорғап, командамен бірге футзалдан УЕФА Кубогының қола жүлдегері атанып, клубтың алғашқы еуропалық жетістіктерін жеңіп алды.

Соңғы жылдары Парадеда клуб құрылымында негізгі команда мен академияның спорт директоры қызметін атқарды. Өткен маусымда плей-офф кезеңі алдындағы қиын сәтте команданы басқарған ол «Қайратты» Қазақстан чемпионы атандырды.

Клуб президенті Қайрат Оразбеков Густавомен үш жылдық келісімшартқа қол қойылғанын ресми түрде мәлімдеді.

«Густаво – «Қайрат» рухына толық сіңген адам. Ол ұзақ жылдар бойы ойыншы әрі маман ретінде клубтың бір бөлігі болды. Оның бойында нағыз қайраттық мінез бен жеңімпаз рух бар.

Өткен маусымда ол өте қиын сәтте команданы қабылдап, оны чемпиондыққа жеткізді. Біз оған толық сенеміз және клубтың болашағын онымен байланыстырамыз», – деді клуб президенті.