«Қайрат» футболшылары қанша сыйақы алады?

Қазақстанның су жаңа чемпионы «Қайрат» Премьер-лиганың үздігі атағы үшін қанша сыйақы алатыны белгілі болды, деп хабарлайды Sport +.

1bol.kz мәліметінше, жыл басында Алматы клубының басшылығы ҚПЛ-дағы чемпиондық атақ үшін бір миллионнан астам доллар беретінін уәде еткен. Енді Қайрат Боранбаев сол сөзінде тұруы тиіс.

Айта кетейік, ҚПЛ-ның 24-турында «Атырауды» жеңген «Қайрат» чемпионаттың алтынын иеленді. «Астана» екінші орын алса, «Ақтөбе» үздік үштікті қорытындылады. Осылайша, алматылық ұжым төртінші рет Қазақстан чемпионы атанып отыр.