Президент Дүниежүзілік көшпенділер ойындарының бюджетін қысқарту жөнінде тапсырма берді

Қасым-Жомарт Тоқаев еліміздің бірқатар өңіріндегі су тасқынына байланысты биыл Астанада өтетін Дүниежүзілік көшпенділер ойындарының бюджетін қысқарту жөнінде тапсырма берді

Мен бюджет қаржысын үнемдеу мақсатында ірі халықаралық форумды өткізуден бас тарттым. Сонымен қатар Дүниежүзілік көшпенділер ойындарына жұмсалатын шығынды қысқартамыз. Әрине, қазір бұл шарадан түпкілікті бас тарту мүмкін емес. Бірақ оған жұмсалатын қаржы көлемі айтарлықтай азаяды, - деді Президент.