Париж-2024: Жолдамалар саны 39-ға жетті

Қазақстан спортшылары Франция астанасы Париж қаласында өтетін XXXIII жазғы Олимпиада ойындарына жеңіп алған жолдамалар санын 39-ға жеткізді, деп хабарлайды Sport Plus Qazaqstan.

Жапония астанасы Токиода өтіп жатқан каноэ мен байдаркада ескек есуден Азия чемпионатында Қазақстан құрамасы Париж Олимпиадасына 6 лицензия жеңіп алды.

Нақтырақ айтсақ, бүгін каноэде 500 метрге ескек есуде Қазақстан әйелдер құрамасы (Мария Бровкова, Руфина Искакова) чемпион атанып, Париж олимпиадасына жолдама жеңіп алды.

Одан кейін байдаркада 500 метрге жарыста Қазақстан ерлер құрамасы (Бекарыс Раматулла, Сергей Токарницкий) мәреге бірінші жетіп, Қазақстан қоржынына кезекті жолдаманы сыйлады.