Паралимпиадалық спорт түрлері бойынша үздіктер марапатталды

Астанада дене мүмкіндіктері шектеулі тұлғаларға арналған спорттық даярлау орталығының жаттықтырушыларының 2024 жылдың қорытындылары мен 2025 жылға арналған жоспарлар бойынша есеп беру кездесуі өтті, деп хабарлайды Sport+

Іс-шараға ҚР Туризм және спорт министрлігі Спорт және дене шынықтыру істері комитеті төрағасының орынбасарының міндетін атқарушы Аманбай Нұрмұханбетов, мүмкіндігі шектеулі жандармен жұмыс басқармасының басшысы Марат Қасқырбаев, Орталықтың директоры Ержан Естаев, команда басшылары, бас және аға жаттықтырушылар қатысты.

Жиналыс барысында мүмкіндігі шектеулі жандардың спортқа қолжетімділігін кеңейту, спортшылардың халықаралық жарыстарға дайындық деңгейін және жаттықтырушылардың кәсіби біліктілігін арттыру бойынша өзекті мәселелер қарастылырылып, алдағы жылға арналған басым бағыттар айқындалды.