Оралдың «Ақжайығы» кезекті жеңісіне қол жеткізді
Допты хоккейден жоғары лига командалары арасында бүкілресейлік жарыста Оралдың «Ақжайығы» өз айдынында Орынбордың «Локомотивін» қабылдады, деп хабарлайды Sport+ Kazinform сайтына сілтеме жасай отырып.
Ойын оралдық хоккейшілердің айқын басымдылығымен өтті.
Николай Шавалдиннің шәкірттері 20:3 есебімен жеңіске жетті.
«Ақжайық» сапындағы ресейлік шабуылшы Максим Пахомов 10 голдың авторы атанды. Рауан Исалиев «Локомотив» қақпасына 4 доп енгізді. Команда капитаны Максим Өтебалиев пен Самат Аманшин екі-екіден, Павел Чебаков пен Нұрбол Бөкешов бір-бірден көзге түсті.
Осы матчтан кейін 42 ұпай жинаған оралдық клуб өз тобында көш бастады.
Дүйсенбі күні қос команда екінші кездесуін өткізеді.
