Олимпиаданың күміс жүлдегері Василий Левит жаңа лауазымға тағайындалды

Рио-Де-Жанейро Олимпиадасының күміс жүлдегері Василий Левит дене шынықтыру және спорт басқармасының басшысы лауазымына тағайындалды, деп хабарлайды Sport Plus Qazaqstan.

Левит - ҚР спорт шебері, екі Олимпиада ойындарының қатысушысы, 2016 жылғы Олимпиаданың күміс жүлдегері, әлем чемпионатының екі дүркін қола жүлдегері, Қазақстан тарихындағы алғашқы үш дүркін Азия чемпионы, бокстан халықаралық және ұлттық жарыстардың бірнеше дүркін жеңімпазы.

2022 жылдан бастап сыбайлас жемқорлыққа қарсы іс-қимыл агенттігінде жұмыс істеді, қызметкерлердің дене шынықтыру бөлімінің басшысы болды.