Нұрғиса Әділетұлы – ауыр атлетикадан әлем чемпионы
Қазақстандық Нұрғиса Әділетұлы қос сайыстың жалпы есебінде 388 (174+214) келіні бағындырды, деп хабарлайды Sport+.
Екінші орынды грузиялық Реваз Давитадзе иеленді – 387 (177+210) келі, ал үшінші орын ирандық Әли Алипурға бұйырды – 387 (173+214) келі.
Бұл – Бахрейнде өтіп жатқан 2024 жылғы ауыр атлетикадан әлем чемпионатында Қазақстан үшін екінші медаль. Бұған дейін Алексей Чуркин 81 келі салмақта күміс жүлдегер атанған болатын.
