Нұрдәулет Жұмағали іріктеу кезеңінен өте алмады

Нұрдәулет Жұмағали 200 метрге кешенді жүзуден Паралимпиада ойындарының іріктеу кезеңінен өте алмады, деп хабарлайды Sport Plus Qazaqstan

Бүгін, 3 қыркүйекте, Париж Паралимпиадасында Нұрдәулет Жұмағали SM13 классында 200 метрге кешенді жүзуден жарысқа қатысты. Өкінішке орай, 2:20.31 секунд нәтижесімен ол финалға өте алмады. Финалға 14 спортшының ішінен ең үздік нәтиже көрсеткен 8 спортшы өтеді.

Нұрдәулет үшін келесі жарыс 5 қыркүйек күні өтеді, онда ол 100 метрге брасс әдісімен сынға түседі.