Наталья Богданова Әлем чемпионатында медаль жеңіп алды
Қазақстандық Наталья Богданова бокстан Әлем чемпионатының жартылай финалына шығып, турнирдің медалін жеңіп алды, деп хабарлайды Sport+.
Ширек финалда Наталья сербиялық Милена Матовичтен басым түсіп, төрешілердің көпшілік шешімімен 4:3 есебімен жеңіске жетті.
Енді Қазақстанның алты боксшысы жартылай финалда өнер көрсетеді. Богдановадан бөлек, жартылай финалға Назым Қызайбай, Алуа Балқыбекова, Виктория Графеева, Аида Әбікеева және Елдана Тәліпова шықты.
