Моуриньюдің қай клубқа баратыны белгілі болды

Португалиялық бапкер Жозе Моуринью «Ньюкасл» клубын баптауы мүмкін, деп хабарлайды Sport Plus Qazaqstan.

Football Insider мәліметінше, 60 жастағы маман бұл жұмысқа өзі де қызығушылық танытып отыр. Себебі «Ньюкасл» «Манчестер Ситидің» жетістіктерін қайталауды көздейді. 

 Қазіргі уақытта «Ньюкасл» Англия чемпионатында 10-орында келеді. 

Жозе Моуринью бұған дейін «Романы» жаттықтырды, бүгін италиялық клуб бапкердің қызметінен босатылғанын мәлімдеді. 

Моуринью баптаған «Рома» 2021/22 маусымда Конференция лигасында жеңіске жетті.