Лев Скворцов: Барлығымен ойнауға болады
Қазақстан құрамасының және ресейлік «Химки» командасының қорғаушысы Лев Скворцов Sport Plus Qazaqstan сайтына берген сұқбатында Ұлттар Лигасының жеребенің қорытындысы жайлы пікірімен бөлісті.
– Лев, Ұлттар Лигасының жеребесінен қандай үміт күтесіз? Қазақстан Норвегия, Австрия және Словения сияқты ұжымдармен бір топта түсті.
– Біз мықты командалармен топқа түстік, бірақ әр қарсыласпен ойында ұпай жинауға мүмкіндігіміз бар. Ойындар ауыр және қиын болады, бірақ бұл футболды жанкүйерлер үшін қызықты және тартымды етеді!
– Осы топтағы біздің құраманың болашағын қалай бағалайсыз?
– Мен айтқанымдай, бізді мықты қарсыластар күтіп тұр, бірақ бәрімен ойнауға болады. Алла қаласа бәрі ойдағыдай болып, қажетті ұпайларды жинай алатынымызға сенемін.
