Кукушкин Бахрейнде жарыстың финалына жолдама алды

Қазақстандық теннисші Михаил Кукушкин Манамада (Бахрейн) өтіп жатқан Челленджер сериясының турнирінде жартылай финалдық матч өткізді, деп хабарлайды Sport Plus Qazaqstan.

Кукушкин чех теннисшісі Якуб Меньшикке қарсы өнер көрсетіп, 6:3, 6:2 есебімен екі сетте жеңіске жетті. Ойын 1 сағат 24 минутқа созылды.

Қазақстандық теннисші жеке разрядта АТР (кәсіпқой теннисшілер қауымдастығы) әлемдік рейтингінің 231-ші орнында тұр, ал Меньшик аталмыш рейтингтің 129-шы орында.

Жарыстың финалында қазақстандық спортшы Ришар Гаске (Франция) - Дамир Джумхур (Босния және Герцеговина) жұбының жеңімпазымен кездеседі.