Кирилл Герасименко Қазақстанға оралуы мүмкін

Үстел теннисінен Қазақстан ұлттық құрамасының көшбасшысы Кирилл Герасименко елге оралып, мансабын туған жерде жалғастыруы мүмкін.

Бұл туралы Sport+ басылымына берген сұхбатында ұлттық құраманың жаңа бас бапкері Әсет Сағымбаев мәлімдеді:

«Жоспарды алдын ала жарияламайды, бірақ қазір Федерация басшылығымен белсенді талқыланып жатқан идея бар — Кирилл Герасименконы Қазақстанға қайта шақыру. Басшылықтың қолдауының арқасында бапкерлер мен спарринг-серіктестерді алдыру жоспарлануда, сондай-ақ штатымызға психологиялық дайындық бойынша маман қосылады. Ірі жарыстар — үлкен қысым. Идея — Қазақстанда Кириллді, Айдос Кенжеғұловты бір ортаға жинау. Жауапкершілікті өз мойнымызға алуымыз керек, мен бас бапкер ретінде нәтиже мен жүйелілік үшін жауапкершілік алуға дайынмын».

Қазір Кирилл Германия Бундеслигасында «Вердер» клубының сапында өнер көрсетіп жүр.