Кениялық атлет Қазақстанның көк туын желбіретті

Жеңіл атлетикадан Қазақстан құрамасының өкілі Дейзи Джепкемей Белфорт қаласында (Франция) өткен Le Lion жартылай марафонының жеңімпазы атанды, деп хабарлайды Sport Plus Qazaqstan.

Спортшы бұл қашықтықты 01:07:54-те бағындырып, мәреге бірінші болып жетті.

Екінші орын Угандадан келген Аннет Челангатқа бұйырды - 01:09:58.

Қола жүлдені Меселу Кахсай (Эфиопия) жеңіп алды – 01:10:18.

Айта кетейік, Дейзи Джепкемей Қазақстанға Кениядан келген спортшы. Ол Париж Олимпиадасында 17-орын алған еді.