Каратеден әлем Кубогының финалын тамашалаңыздар

Памплонада, Испания каратэден командалық әлем Кубогы өтуде. Жарыстың финалистері анықталды, деп хабарлайды Sport+

Әйелдер катасында Португалия құрамасы сенсация жасады. Олар Италия командасын 41,7 – 40,9 есебімен жеңіп, тұңғыш рет финалға өтті.

Жапония құрамасы жартылай финалда Испанияны 43,6 -41,6 есебімен жеңіп, ақтық сынға жолдама алды.

Кумитэде әйелдер арасындағы финалға қазіргі әлем чемпионы Испанияны жеңген Жапония және Италиядан басым түскен АҚШ командасы өтті.

Ерлер арасындағы ката шешуші кездесуінде Италиядан 43,2 – 42,3 айласын асырған Түркия каратешілері және бес дүркін әлем чемпионы Жапония кездеседі. Жапондар жартылай финалда Испаниядан басым түскен 44,10 -42,6.

Кумитэде алтын үшін таласта Иран мен Мысыр күш байқасады. Қайсар Алпысбай, Нұрқанат Ажіканов, Жоламан Биғабыл, Данияр Юлдашев, Никита Тарнакин, Ғалым Асылхан, Әбилмансұр Батырғали, Диас Ұлбек сынды спортшылар бар Қазақстан құрамасы топтан үздік шыққан еді. Алайда ширек финалда мысырлықтарға жол берді.

Әлем Кубогының финалын Sport + Qazaqstan телеарнасынан және sportplustv.kz сайтынан тікелей эфирде тамашалаңыздар. Күндізгі сессия 15:00де, кешкі сессия 19:00де басталады.