Ислам Қуаныш: Қасымбайдың қарсыласы кезінде UFC-де Макгрегормен төбелескен

Алматы қаласының жекпе-жек федерациясының президенті Ислам Қуаныш Sport Plus Qazaqstan телеарнасына берген сұхбатында Дамир Исмағұлов пен Мұратбек Қасымбайдың Hardcore лигасындағы қарсыластары туралы пікір бөлісті.

«Дамир Исмағұловтың қарсыласы бұл лигада бұрыннан бері төбелесіп келе жатырған жауынгер. Ол — өте мықты қарсылас. Әрине, бұл жекпе-жекте бауырымыз Дамир үшін жанкүйер боламын. Ал Мұратбек Қасымбайдың қарсыласы Брандао кезінде UFC-де Макгрегормен төбелескен, Dana White Contender-дің чемпионы атанған. Бірақ былтыр басқа қазақстандық жауынгер Дауытбек Қаршығадан ұтылған. Брандао — тәжірибелі жауынгер», — деді Қуаныш.