Эсмигуль Куюлова – Азия чемпионатының қола жүлдегері
Эсмигуль Куюлова Гонконгтегі Азия чемпионатында қола медальді иеленді, деп хабарлайды Sport Plus Qazaqstan.
Дзюдодан Қазақстан құрамасының өкілі Эсмигуль Куюлова 63 келіге дейінгі салмақ дәрежесінде үшінші орын алды, ол түрікменстандық Зулхумар Дашкиновадан басым түсті.
Енді Қазақстан құрамасының қоржынында үш медаль бар. Оның алдында Ғалия Тынбаева 48 келі салмақта және Жанарыс Рахметқали 66 келі салмақта қола медаль алған.
Енді 81 келі салмақта Абылайхан Жубаназар қола медаль үшін таласады.
