Еркін Ғаббасов: Әлем рекордшысымен финалға шығамын деп ойламадым

Оқ атудан Паралимпиада Ойындарының күміс жүлдегері атанған Еркін Ғаббасов өз әсерімен бөлісті, деп хабарлайды Sport Plus Qazaqstan.

Жарыс ойдағыдай өтті. Тек финалда сәл қобалжыдым. Қарсыласым кореялық спортшы - әлем рекордының иегері.

Әлі де дайындаламын, әсіресе халықаралық аренада тәжірибе арттыру керек.

Қолдау көрсеткен барша халқыма алғыс білдіремін! Осындай қолдау болса, әлі де алтын жүлдеге қол жеткізетініме сенемін, - деді Ғаббасов.