Бублик пен Путинцева Australian Open-2025 турниріндегі алғашқы қарсыластарын білді

Мельбурнда 2025 жылғы Австралия ашық чемпионатының (Australian Open) ерлер мен әйелдер арасындағы жеке жарыстарының жеребесі тартылды. Қазақстандық теннисшілер Александр Бублик (ATP 33) пен Юлия Путинцева (WTA 24) турнирдегі жорығын бірінші айналымнан бастайды, деп хабарлайды Sport+.

Бубликтің алғашқы қарсыласы – 26 жастағы аргентиналық Франческо Серундоло (ATP 31).

Australian Open-2025 турнирінің негізгі кезеңі 12-26 қаңтар аралығында өтеді. Ерлер арасындағы жеке разрядта қазіргі чемпион – италиялық Янник Синнер.

Қазақстанның екінші ракеткасы Юлия Путинцева бірінші айналымда армяндық теннисші Элина Аванесянмен (WTA 44) кездеседі.

Еске сала кетсек, өткен жылы әйелдер арасындағы жеке разрядтың жеңімпазы беларусьтық Арина Соболенко болды.