Бибисара Асаубаева Лондондағы халықаралық турнирде өнер көрсетуде
Қазақстандық шахматшы Бибисара Асаубаева Лондонда өтіп жатқан Global Chess League турниріне қатысуда, деп хабарлайды Sport Plus Qazaqstan.
3-12-ші қазан аралығында өтіп жатқан бұл бәсеке көптеген шахмат жарыстарынан өзгеше инновациялық форматымен ерекшеленеді, онда ерлер мен әйелдер бір командаларда ойнайды.
Шахмат алаңында қазақстандық атақты шахматшыдан бөлек, әлемнің көшбасшы ойыншылары жиналған, олардың арасында бес дүркін әлем чемпионы және Халықаралық шахмат федерациясының (ФИДЕ) рейтингінде көш бастап тұрған Магнус Карлсен және екінші номер Хикару Накамура бар.
Бибисара Асаубаеваның командасында американдық Хикару Накамура, поляк Ян-Кшиштоф Дуда (ФИДЕ рейтингінде 14-ші орын), қытайлық Юй Янъи (27), неміс Элизабет Петц (әйелдер арасында 23-ші орын) және жас данышпан Йонас Буль Бьерре (жасөспірімдер арасында 9-шы орын) бар.
