Бибісара Асаубаева беделді турнирдің жеңімпазы атанды

Қазақстандық шахматшы Бибісара Асаубаева  Swiss Queens Wednesday беделді турнирінің жеңімпазы атанды, деп хабарлайды Sport Plus Qazaqstan

Қазақстан шахмат федерациясының мәліментіне сәйкес блиц-шахматтан екі дүркін әлем чемпионы (2021, 2022) Бибісара Асаубаева Swiss Queens Wednesday тоғызыншы онлайн-турнирінде жеңіске жеткен. Ол 10,5 ұпай жинап, қарсыластарынан екі ұпай артық жинаған. 

Swiss Queens Wednesday онлайн-турнирлерінің сериясы ФИДЕ 100 жылдығын тойлау аясында өткізілді. Аталмыш жарысқа ФИДЕ титулдарына қол жеткізген әлемнің ең мықты ойыншылары қатысады. Әр турнирдің жүлде қоры - 1000 АҚШ доллары.

Турнирдің үздік бестігі:
1. Бибісара Асаубаева — 10,5 ұпай (300 доллар)
2. Теодора Иняц — 8,5 ұпай (250 доллар)
3. Савита Шри Баскар — 8,5 ұпай (200 доллар)
4. Вантика Агравал — 8 ұпай (150 доллар)
5. Фам Ле Тхао Нгуен — 7,5 ұпай (100 доллар)