Бибісара Асаубаева Әзербайжандағы турнирде жеңіске жетті

Қазақстандық шахмат жұлдызы Бибісара Асаубаева Әзербайжанда өткен Baku Open 2024 турнирінде әйелдер арасында үздік атанды, деп хабарлайды Sport Plus Qazaqstan.

Әзербайжан астанасында 28 маусымнан бастап өткен халықаралық шахмат турнирінде Бибісара жалпы есепте 19-орын алып, өз категориясында жеңіске жетті.

«Баку Опен — 2024» шахмат турнирі аяқталды, әйелдер арасында 1-орын алдым!» — деді Бибісара.

Айта кетейік, турнирдің жалпы жүлде қоры 50 мың долларды (шамамен 23 миллион теңге) құрады. Әйелдер арасындағы 1-орын үшін Бибісара Асаубаева 1,5 мың доллар (720 мың теңге) алды.

Бұған дейін қазақстандық шахматшы Бибісара Асаубаева 40 миллион теңге грант ұтып алған болатын.

13 жастағы қазақстандық шахматшы Айару Алтынбек Перуде (Лима) классикалық шахматтан мектеп оқушылары арасында өткен әлем чемпионаты — 2024 жеңімпазы атанды.