Батуттық гимнастикадан Олимпиада жолдамасы Қазақстан еншісінде

Данил Мусабаев Париж Олимпиадасының жолдамасына иеленді, деп хабарлайды Sport Plus Qazaqstan

Қазақстан гимнастика федерациясы баспасөз қызметінің мәліметінше, батуттық гимнастикадан Қазақстан құрамасының мүшесі Данил Мусабаев бұл жетістікке әлем Кубогы кезеңдерінің қорытынды жарысында қол жеткізді.

Данил Мусабаев өз мансабында алғаш рет жазғы Олимпиада ойындарында бақ сынайды. Бұл - батуттық гимнастикадан Қазақстан құрамасының қоржынына түскен Париж олимпиадасына алғашқы жолдама.