«Барыстың» жаңа бапкері тағайындалды

«Барыс» хоккей клубы бірінші команданың бас бапкері қызметіне Дэвид Немировскидің тағайындалғанын жариялады. Аталмыш маманмен келісім шарт бір маусымға жасалған, деп хабарлайды Sport Plus Qazaqstan клубтың баспасөз-қызметіне сілтеме жасай отырып.

Немировски ҚХЛда 2015 жылдан бері жұмыс істейді. «Адмиралдағы» спорттық директор жұмысынан кейін Дэвид төрт маусым бойы Нижний Новгородтың «Торпедосын» басқарған. Оның кезінде Гагарин Кубогының плей-офф кезеңінде үш рет ойнады. Осы маусымда ол Новосибирсктің «Сибирь» командасында бас бапкер қызметін атқарды.