«Барыс» ресми түрде плей-офф кезеңінен тыс қалды
Елордалық «Барыс» клубы 2025/26 маусымындағы Континенттік хоккей лигасының плей-офф кезеңіне шығу мүмкіндігін ресми түрде жоғалтты, деп хабарлайды Sport+.
Шығыс конференциясының турнирлік кестесінде сегізінші орында тұрған новосібірлік «Сібір» сырт алаңда қытайлық «Шанхай Дрэгонс» командасын 2:1 есебімен жеңіп, қазақстандық клубтан 13 ұпайға ұзап кетті. Ал «Барысқа» тұрақты чемпионат аяқталғанға дейін бар болғаны алты матч қана қалды.
