Азиада-2026: қазақстандық бессайысшылар алдын ала кезеңде сынға түсті

Аичи-Нагоядағы (Жапония) Азия ойындарында қазіргі бессайыстан ерлер арасында семсерлесуден алдын ала кезең өтті, деп хабарлайды Sport+ Olympic.kz сайтына сілтеме жасап.

Қазақстан құрамасы сапындағы үздік нәтижені Темирлан Абдраимов көрсетті. Ол 36 спортшының арасынан 27 жеңіспен және 8 жеңіліспен екінші орынға жайғасты. Бірінші орында 31 рет жеңіске жеткен Оңтүстік Корея өкілі Со Чан Ван тұр.

Кирилл Стадник семсерлесудегі іріктеу кезеңін 21 жеңіс және 14 жеңіліспен 10-орында аяқтады. Лев Чувашов 20 жеңіс, 15 жеңіліс көрсеткішімен 14-орынға тұрақтады. Тихон Варёхин де 20 рет жеңіске жетіп, 15 рет жеңілді және 15-орынға орналасты.

Айта кетейік, алдын ала кезеңнің қорытындысы спортшылардың келесі кезеңдеріндегі жарысты қай орыннан бастайтынын анықтау үшін есепке алынады. Ерлер арасындағы жартылай финал 18 қыркүйекте өтеді.