«Астана» жаңа бапкердің басшылығымен жеңіліске ұшырады

«Астана» ВТБ лигасы аясында ПАРИ командасына ұтылды, деп хабарлайды Sport Plus Qazaqstan.

Елордалықтар матчтың үш кезеңінде жеңіліс тапты, тек екінші тоқсанда ғана қарсыласынан басым түсті. Бұл ойын Фотиос Такианос үшін алғашқы кездесу болды.

«Астана» сапында Маркелл Джонсон 18 ұпаймен ең үздік нәтиже көрсетті. Ройс Хамм өз есепшотына 15 ұпай қосты, Карвел Андерсон 12 ұпай жинады, Рустам Мұразағалиев 8 ұпайға қол жеткізді, Василий Пушица, Вадим Щербак және Роман Марчук әрқайсысы 3 ұпайдан алды, Дмитрий Гаврилов 2 ұпай иеленді.

6 наурыз күні «Астана» өз алаңында «Минск» командасымен кездеседі.