«Астана» ВТБ жаңа маусымын жеңіліспен бастады

ВТБ Бірыңғай лигасының жаңа маусымындағы алғашқы матчында «Астана» өз алаңында «Нижний Новгород» командасымен кездесті, деп хабарлайды Sport Plus Qazaqstan.

Қазақстандықтар тек ойынның соңғы кезеңінде ғана тең ойнаса, басқа кезеңдерде қарсыласқа жол берді.

«Астана» сапында ең үздік нәтижені Маркелл Джонсон көрсетті, ол 25 ұпай жинады. Ти Джей Старкс — 12 ұпай, Григорий Мотовилов — 10, Дэниэл Утоми — 7, Джеймс Мюррэй-Бойлс, Галин Смит, Данила Походяев, Аскар Майдекин — әрқайсысы 2 ұпайдан жинады.

25 қыркүйекте «Астана» сырт алаңда «Локомотив-Кубань» командасымен кездеседі.

ВТБ Бірыңғай лигасы. 1-тур:
«Астана» — «Нижний Новгород» 62:90 (12:22, 21:31, 11:19, 18:18).