Әсел Қанай әлемдік рейтингте 1-орынға көтерілді
World Karate қыздар арасындағы жаңартылған рейтингті жариялады, деп хабарлайды Sport+.
Премьер-лига турнирлерінің қорытындысы бойынша Қазақстанның бірден үш өкілі өз салмақ дәрежелерінде бірінші орындарды иеленіп отыр.
Осылайша Әсел Қанай 61 келіге дейінгі салмақ дәрежесінде рейтингтің бірінші сатысына көтерілді. Сонымен қатар Софья Берульцева 68 келіден жоғары салмақта әлемдік рейтингтің 1-орнын сақтап тұр, ал Мөлдір Жанбырбай 50 келіге дейінгі салмақта көш бастап келеді.
